ఒక మంచి రోజు కోసం!

రెక్కాడితేకానీ డొక్కాడని చిన్ని బతుకులు

రెక్కలు ముక్కలయ్యేటటువంటి ధరా శరాఘాతాలు

మూలుగుతున్న పాపపు సొమ్ముల మూటలు

సాటి మనిషిని ఆదుకోలేని రాజకీయ మాయ మాటలు

అర్థం పర్థం లేని అనవసరపు దీక్షలు

పట్టెడు అన్నం పెట్టలేని ఉద్యమ సెగలు

మృగ్యమైన ఆత్మీయతలలో చీలిపోయిన దారులు

మానవత్వంతో దోబూచులాడుతున్న మరణ మృదంగాలు

హంగూ ఆర్భాటాలతో నిండిపోయిన ప్రజా సేవలు

ఊన్మాద భావాలతొ సామరస్యం మర్చిపోతున్న మతాలు

అయినా ఏదో ఒక మంచి రోజు కోసం మనందరి ఎదురుచూపులు!!