స్వయంకృతం!

కారడవిని సైతం కబలించి

మహా వృక్షాలను పెకలించి

సమతుల్యనికి తూట్లు పొడిచి

ప్రకృతి ధర్మాన్ని మరచి

గడుపుతున్నాము ఈ సమయం

ఇది మనం చేసుకున్న స్వయంకృతం

గతితప్పిన గమ్యం

మతిలేని పయనం

ప్రతి రొజూ భయం

మన చుట్టూ నరకం

అయినా

గడుపుతున్నాము ఈ సమయం

ఇది మనం చేసుకున్న స్వయంకృతం

ఆధ్యాత్మికత పేరుతో అపచారం

ఆరోగ్యం పేరుతో వ్యాపారం

మోసగించే సమాజం

మోసపోవుట సహజం

అనుకుని

గడుపుతున్నాము ఈ సమయం

ఇది మనం చేసుకున్న స్వయంకృతం

పడ్డ వాడు చెడ్డ వాడు కాదు

చెడ్ద వాడు పడిపోక తప్పదు

మంచి చెడుల సంగ్రామం ఆగదు

ఆఖరికి మంచి జరగక మానదు

అనుకుని

గడుపుతున్నాము ఈ సమయం

ఇది మనం చేసుకున్న స్వయంకృతం