మహానందీశ్వరం||

కొండవాలున కొలువైన కొంగుబంగారం

శరణు వేడిన ప్రాణికి అభయహస్తం

ప్రమధనాధ దేవదేవం మహానందీశ్వరం||

జటాజూటం నుండి జాలువారే గంగాప్రవాహం

పచ్చని పంట పొలాలతో సస్యశ్యామలం

కైలాసనాధుని కృపాకటాక్షం మహానందీశ్వరం||

సర్వకాల సర్వావస్థ సర్వభూత సంరక్షణం

పుణ్య, కీర్తులు ప్రసాదించే వరం

ముక్కంటి మృదుధరహాసం మహానందీశ్వరం||

సకల చరాచర మూలాధారం

శివ పంచాక్షర అభిషేక ప్రియం

దేవ దేవం శంభో శంకరం మహానందీశ్వరం||

కర్నూలు జిల్లాలోని ప్రముఖ పుణ్యక్షేత్రం మాహానంది లో కొలువైన

శ్రీ మహానందీశ్వర స్వామివారి పై నేను రాసిన చిన్ని కవిత.

శివ భక్తులైన మా నాన్న గారికి ఈ కవిత అంకితం!