ప్రేమ చలువే...

మనసు పడినా

మనసు చెడినా

అది ప్రేమ చలువే

విజయ తీరం దరిచేర్చినా

పరాజయపు అగాథాలు చవిచూసినా..

అదీ ప్రేమ చలువే

కాలం కలసివచ్చినా

కాలగర్భంలో కలసిపోయినా

అదీ ప్రేమ చలువే

మోముపై చిరునవ్వులు చిందించినా

ఎరుపెక్కిన కంట నీరు తెప్పించినా

అది ప్రేమ చలువే

అర్థం చేసుకున్నా

అపార్థానికి చేరువైనా

అదీ ప్రేమ చలువే

కల నెరవేరినా

అలగా కరిగిపోయినా

అది ప్రేమ చలువే

ఒంటరిగా ఉన్నా! అందరినీ నీ దరి చేర్చినా

అందరూ ఉన్నా ! నువు ఓంటరి అయినా

అది ప్రేమ చలువే

ప్రపంచమంతా ప్రేమమయమైనా

ప్రేమ ఈ ప్రపంచం నుండి దూరమైనా

అది కూదా "ప్రేమ చలువే"